Les mots surlignés font l'objet d'une note
1Monsegneur, jey receu les votres du 27 dernier,
2ensamble celles quil vous a pleu escripre aux
3religieulx de Notre Dame de Myans, lesquelz je
4regarderey de satiffère, eulx estans en ceste
5ville et retirerey quictance deulx en bonne forme et une
6lettres de la chastellenie de Granne mit entre les meins
7de monsieur de Granieu pour les coucher sur lestat.
8Jey presté le serement et caution certiffié à la
9chambre des comptes et au parlement. Je les vous
10ferey tenir au plustoust que ledit sieur de Granieu
11me les aura despeché, que jespère estre faict
12entrecy et demein, car je ne cesserey que je les
13aurey de luy, et vous asseure quil a bonne vollenté
14vous expedier. Il ny a chose en vous affères
15qui meritent vous escripre, que sera la cause
16que je finerey la presente, après avoir prié Notre Segneur
17vous donner
18monsegneur en très bonne sancté et longue
19vie. De Grenoble, ce Vie febvrier 1574.
20Jey payé pour la norriture
21de la filhe de monsieur
22André Aréons à madamoyselle
23de Vientes XXII ecus sol et
24retiré bonne quictance. Jey receu lettres de monsieur le juge de Bully,
25monsieur de Brys, qui mescript quil a votre procès contre
26monsieur de Chaste, lequel il vera et ne se faict rien
27à present, daultant que le procureur dudit sieur de Chaste
28puis peu de jours est decédé. Si lon y faict quelque chose,
29il vous en advertira et moy. Il a aussi faict tenir
30mes lettres à voz rentiers de pardella, desquelz je ney
31encoures aulcune response.
32Votre humble et obeyssant
33serviteur Jehan de brunel